AddisClips - Ethiopian Entertainment Website
Welcome
Login
Powered by Daniel Tesfaye - Addis Clips

Most Popular Articles


  • ኢትዮጲያና ኤርትራ ወደ ሙሉ ጦርነት መግባታቸውን የተለያዩ የመንግስት ደጋፍ ሚዲያዎች እየዘገቡ ነው፡፡

     

    ኢትዮጲያና ኤርትራ ወደ ሙሉ ጦርነት መግባታቸውን የተለያዩ የመንግስት ደጋፍ ሚዲያዎች እየዘገቡ ነው፡፡     

    ኢትዮጵያ እና ኤርትራ በእገላ/ፆረና ግንባር - በገና - በለሳ ወንዝ አከባቢዎች በከባድ መሳሪያ የታገዝ ጦርነት እያካሄዱ መሆኑ  Hornaffairs  እና አውራባ ታይምስ ዝግበዊታል፡፡   ከሁለቱም ሀገራት በኩል መረጋምንም የተስጠ ማረጋገጫ የለም።

     

    ornaffairsRead more 

    Read more »
  • የእጅ ጣታችን ርዝመት ስለ ማንነታችን ወይም ባህሪያችን ይገልፅ ይሆን?

    የእጅ ጣታችን ርዝመት ስለ ማንነታችን ወይም ባህሪያችን ይገልፅ ይሆን?

    ከዚህ በታች የምንመለከታቸው ምስሎችም የቀለበት ጣታችንና ሌባ ጣታችን ያላቸውን ርዝመት በማነፃፀር ባህሪያቶቻችን ለማወቅ ያስችላሉ ተብሏል።

    ምስሎቹ በጣታችን ርዝመት መሰረት A, B እና C በሚል የተቀመጡ ሲሆን፥ እርስዎም የጣትዎን ርዝመት በመመልከት በየትኛው እንደሚመደብ ከለዩ በኋላ ከዚህ በታች የተቀመጡት መግለጫዎች ከተጨባጭ ማንነትዎ ጋር ይስማማሉ አልያም ይቃረናሉ የሚለውን እንዲመለከቱ ጋብዘናል።

    1) "A"

    የቀለበት ጣት ከሌባ ጣት መብለጡን የሚያሳይ ነው - ምስል “A”።

    በዚህ ምድብ ውስጥ የሚገኙ ሰዎች የቆንጆ ተክለሰውነት ባለቤት መሆናቸው ይነገራል።

    ሌሎች ሊያገኙት የሚጓጉለትን ነገር በቀላሉ ለማግኘት እንደሚችሉም ነው መረጃው የሚያመላክተው።

    በተጨማሪም እጅግ በጣም ተናዳጅና ለውሳኔ የፈጠኑና አደጋን ለመቀበል የማይፈሩ ናቸው ተብሏል።

    አብዛኞቹ ወታደሮች፣ ኢንጂነሮችና ቼዝ ተጫዋቾች ሲሆኑ የቃላት ድርደራ ጨዋታዎችን በመጫዎት የሚያህላቸው የለም።

    የቀለበት ጣታቸው ከሌባ ጣታቸው የሚረዝም ሰዎች አጭር የቀለበት ጣት ካላቸው ሰዎች ይልቅ የተሻለ ገቢ እንደሚያገኙም ሳይንቲስቶች አረጋግጠዋል።

    2) "B" በዚህ ምስል ላይ እንደምንመለከተው የቀለበት ጣት ከሌባ ጣት የሚያጥር ሲሆን፥ አጭር የቀለበት ጣት ያላቸው ሰዎች ከፍተኛ በራስ የመተማመን የተላበሱ መሆናቸው ይነገራል።

    ራስ ወዳድነትና ትእቢት ቢጤ የሚያጠቃቸው እንደሆኑም መረጃው ይገልፃል።

    ብቻቸውን መሆን የሚያስደስታቸው ሲሆን በእረፍት ስአታቸው መረበሽን አጥብቀው የሚጠሉ ናቸውም ተብሏል።

    በፍቅር ግንኙነት ውስጥ ለመግባት ይፈራሉ የተባሉት ይህ አይነት የጣት አወቃቀር ያላቸው ሰዎች፥ በሌሎች ሰዎች እይታ ውስጥ መግባትን ግን የሚያደንቁና በጣም የሚፈልጉ ናቸው።

    3) "C" የቀለበት ጣትና የሌባ ጣት እኩል መሆናቸውን የሚያሳይ ነው።

    ሌባ ጣታቸውና የቀለበት ጣታቸው እኩል የሆኑ ሰዎች ሰላም ወዳድ እና ፀብና አለመረጋጋት ባለበት ቦታ ድርሽ ማለት የማያሹ ናቸው።

    እነዚህ ሰዎች ለነገሮች ትኩረት የሚሰጡና የተቀናጁ ሲሆኑ፥ ከበርካታ ሰዎች ጋር በቀላሉ የመግባባት ብቃት አላቸው።

    ለፍቅር ግንኙነትም ታማኝና ቅን ልቦና ያላቸው መሆኑ የሚነገር ሲሆን፥ አመለ ሸጋና ለፍቅር አጋራቸው እንክብካቤ የሚያበዙና የሚጠነቀቁ አይነት ሰዎች ናቸው።

    እስኪ እርሶም ይሞክሩትና ማንነትዎን ይገልፃል አይገልፅም የሚለውን ያረጋግጡ።

    ኤፍ.ቢ.ሲ

     

    Read more »
  • ETHIOPIA : Teddy Afro - "Mar ESKE TUWAF" Lyrics | ማር እስከ ጧፍ ፍቅር እስከ መቃብር

     

    Teddy Afro - "Mar ESKE TUWAF" Lyrics 

    ማር እስከ ጧፍ
    ፍቅር እስከ መቃብር

    የጸበል ዳር እንኮይ ወንዝ ያወዛት ቅጠል 
    ተሸፈና ዋርካ ከልሏት የዛፍ ጠል 
    የት ነበር ያረኩት ቀፎየን ስል ኖሬ 
    ንብ ተከትዬ ባይ ጎጃም ኑራ ማሬ (ጎጃም ኖራለች ለካ)

    ብራናዬ አንቺ የልጅነቴ ጓዴ 
    ተረሳሽ ወይ የሳት ዙሪያው ተረት በአንዴ
    ብራናዬ አንቺ የልጅነቴ ቀለም 
    እኔ እንዳንቺ ያጠናሁት ፊደል የለም

    ፍቅር የበዛበት፩ ዘልቆ ከማንኩሳ 
    መንናለች አሉኝ ብጫ ልብስ ለብሳ 
    ሸዋ ከሩፋኤል ስጠብቃት ኖሬ 
    ንቤ ገዳም ገብታ ጎጃም ኑራ ማሬ

    ሲኖዳ ዮሐንስ ያመት ወዜን ይዤ 
    ጋማ ሽጦ ካሳ፪ ሸኝቶኝ ከወንዜ 
    መጥቼ ከሸዋ ስጠብቃት ኖሬ 
    ለካ ገዳም ገብታ ጎጃም ኑራ ማሬ 
    “ሀ” ብለህ ተው ድገም ሲሉኝ ንስሀ አባቴ 
    “ዋ” ብየ ተማርኩኝ አይ አለመስማቴ 
    ቀለም ወርቄ፫ ቢሆን የቅርቤ ጓደኛ 
    ፍቅር ለያዘው ሰው ከልካይ የለው ዳኛ

    አሁን በማ ትኬ (ተክቼ) ይህ ልቤን ልካሰው 
    አንዴ በሷ ፍቅር የተረታሁኝ ሰው 
    የት እርቄስ ላገኝ ከፍቅሯ መሸሻ፬
    እሷ ሆኖ ለኔ የአለም መጨረሻ

    ማር ጧፍ ሁኔ /እንደ ትሁኔ/ 
    ማር ጧፍ ሁና 
    ማሬ ማሬ 4x
    ጎጃም ኑራ ማሬ 
    ማር ጧፍ ሆኖ ገባ መቅደስ 
    ነዶ ለሊት ጸሎት ሊያደርስ 
    ዲማ ጊዮርጊስ ወይ ማንኩሳ
    ያቺ ወንጌል፭ ብጫ ለብሳ 
    ከንግዲህማ ቆብ አስጥዬ 
    እንዳልወስዳት አባብዬ 
    ሰብልዬ ናት እማሆዬ 
    ሰብልዬ ናት እማሆዬ
    ሰብል አለም በቢጫው ቀለም 
    ሰብል የአዳም ገባሽ ወይ ገዳም 
    ወይ ገዳም ገባሽ ወይ ገዳም
    ኦሆ……

    የጸበል ዳር እንኮይ ወንዝ ያወዛት ቅጠል 
    ተሸፍና ዋርካ ከልሏት የዛፍ ጠል 
    የት ነበር ያረኩት ቀፎየን ስል ኖሬ 
    ንብ ተከትዬ ባይ ጎጃም ኑራ ማሬ

    ብራናዬ አንቺ የልጅነቴ ጓዴ 
    ተረሳሽ ወይ የሳት ዙሪያው ተረት በአንዴ
    ብራናዬ አንቺ የልጅነቴ ቀለም 
    እኔ እንዳንቺ ያጠናሁት ፊደል የለም

    ላሳደገኝ ደብር የሥለት ልጅ ሆኜ 
    ካሕን እንዴት ይፍታኝ ያንቺ እስረኛ ሆኜ 
    በጊዜ ተደፋ የቀለሙ ቀንዴ 
    የኔ ፊደል ማወቅ ካንቺ አዳነኝ እንዴ 
    ሳዋህድ ከኖርኩት ቅኔን ከደብተሬ 
    ተሽሎኝ ተገኘ ባለ አንዲሩ ገብሬ፮
    ለካ ሰው አይድንም በደገመው መጽሐፍ 
    እንደሰም አቅልጦ ፍቅር ካረገው ጧፍ 
    ለካ ሰው አይድንም በኦሪቱ ገድል 
    ወንጌል ይዞ መጥቶ ፍቅር ካረገ ድል

    ማር ሲገባ ገዳም ድንጋይ ተንተርሶ 
    ጧፉም እንደ መናኝ እዩት ቢጫ ለብሶ 
    ወንጌል መነኮሱ በልጅነታቸው 
    ማር እስከጧፍ ሆኖ አለም ቢነዳቸው
    አንቺ የፍቅር ጥጌ ውድነሽ በጣሙን፯
    መምጣቴ ነው በቃ እኔ አቃተኝ አሁን 
    አዲስ አለም፰ ሆነ ባንቺ ስለ ወጋየሁ፱ 
    እድሌ ሆነና ባጣሽ ተሰቃየው

    ማር ጧፍ ሁኔ 
    ማር ጧፍ ሁና 
    ማሬ ማሬ 4x
    ጎጃም ኑራ ማሬ 
    ማር ጧፍ ሆኖ ገባ መቅደስ 
    ነዶ ለሊት ጸሎት ሊያደርስ 
    ዲማ ጊዮርጊስ ወይ ማንኩሳ
    ያቺ ወንጌል ብጫ ለብሳ 
    ከንግዲህማ ቆብ አስጥዬ 
    እንዳልወስዳት አባብዬ 
    ሰብልዬ ናት እማሆዬ 
    ሰብልዬ ናት እማሆዬ
    ሰብል አለም በቢጫው ቀለም 
    ሰብል የአዳም ገባሽ ወይ ገዳም 
    ወይ ገዳም ገባሽ ወይ ገዳም
    ኦሆ…… 
    ዘንግ ይዛ ማር ዘንግ ይዛ

    ---------------------//--------------------

    ግጥም - ቴዎድሮስ ካሳሁን 
    ዜማ - ቴዎድሮስ ካሳሁን 
    ሙዚቃ ቅንብር - አቤል ጳውሎስ /ናደው/

    በዘፈኑ ግጥም ውስጥ የተሰመረባቸው ፱ ነጥቦች ደርቦ ከሚሄደው ትርጉማቸው ጀርባ የሚጠቀሱ የባህሪያት ስሞች መፅሀፉን ላላነበቡ ወገኖች ይረዳ ዘንድ የተሰጠ መጠነኛ ማብራሪያ
    1. የበዛባት፡- በዛብህ የሰብለወንጌል ፍቅረኛን
    2. ካሳ፡- ጉዱ ካሳ የሰብለወንጌል አጎትና የሰብለና የበዛብህ የፍቅር አጋርን
    3. ቀለምወርቄ፡- ግራጌታ ቀለመወርቅ የበዛብህ የቅርብ ወዳጅን
    4. መሸሻ፡- ፊት አውራሪ መሸሻ የሰብለወንጌል አባትን
    5. ወንጌል፡- ሰብለወንጌል የበዛብህ ፍቅረኛን
    6. ባለአንዲሩገብሬ፡- እረኛው ባለዋሽንት ባለአንዲሩገብሬ የካብትሽ ይመር ወዳጅን
    7. ውድነሽ በጣሙን፡- የበዛብህ እናት ውድነሽ በጣሙን
    8. አዲስዓለም ሆነ፡- የፍቅር እስከ መቃብር መፅሀፍ ደራሲ ክቡር ሀዲስ ዓለማየሁን
    9. ወጋየሁ፡- የመፅሀፉን ተራኪ ተዋናይ ወጋየሁ ንጋቱን
    ይገልፃል።

    ይህ ሙዚቃ መታሰቢያነቱ ለፍቅር እስከ መቃብር መፅሀፍ ደራሲ ለክቡር አቶ ሀዲስ አለማየሁ እና ለመጸሐፉ ተራኪ ለተዋናይ ወጋየሁ ንጋቱ ይሁንልኝ፡፡

    Read more »
RSS