AddisClips - Ethiopian Entertainment Website
Welcome
Login
Powered by Daniel Tesfaye - Addis Clips

Latest Articles


  • ETHIOPIA - Amharic Poem Written By Dr. Bedilu Wakejira | 'ሀገር ማለት የኔ ልጅ'

    'Hagere Malt' |  Amharic Poem Written By Dr. Bedilu Wakejira 

    ሀገር ማለት የኔ ልጅ  (ዶ/ር በድሉ ዋቅጅራ.)

    ሀገር ማለት ልጄ፣ ሀገር ማለት፣
    እንዳይመስልሽ የተወለድሽበት ቦታ ፣የተወለድሽበት አፈር፤
    እትብትሽ የተቀበረበት ፣ ቀድመሽ የተነፈሽው
    አየር፤
    ብቻ እንዳይመስልሽ።
    ሀገር ረቂቅ ነው ቃሉ
    አገር ውስብስብ ነው ውሉ

    ሀገር ማለት ልጄ ፣
    ሀገር ማለት ምስል ነው ፣በህሊና የምታኖሪው፤
    ከ'እማማ ማህጸን ከወጣሽበት ቀን ጀምሮ ፤
    በጠባሽው ጡት፣ ወይም ጡጦ ፣
    በዳህሽበት ደጃፍ፣ በወደቅሽበት ፈፋ፤
    በተማርሽበት ትምህርት ቤት፣
    በተሻገርሽው ዥረት ፤
    በተሳልሽበት ታቦት ፣ወይ በተማፀንሽው ከራማ ፤
    በእውቀትሽና በህይወትሽ፣
    በእውነትሽና በስሜትሽ ፣
    የምትቀበይው ምስል ነው ፣ በህሊናሽ የምታኖሪው፤
    ስትወጅ ሰንደቅ ታደርጊው
    ቢያስጠላሽ የማትቀይሪው
    ሀገር ማለት የኔ ልጅ ፣
    ሀገር ማለት ቋንቋ ነው በአንደበት አይናገሩት፤
    በጆሮ አያዳምጡት፤
    አማርኛ ኦሮሞኛ ፣ አፋርኛ ቅማንተኛ፤
    ጉራግኛ ወይ ትግርኛ፣ ብለው የማይፈርጁት

    የኔ ልጅ፣
    አማራውና አፋሩ፣ ኦሮሞው ሲዳማው ፣ጉራጌኛሽን ባይሰማ፤
    ያልገባው እንዳይመስልሽ ፣ ሀዘን ደስታሽን
    ያልተጋራ
    የየልቦናችንን ሀቅ፣ ፍንትው አድርጎ እያሳየ፤
    ህዝቦችን ከሰንደቃቸው፣ አስተሳስሮ ያቆየ፡፡
    ሀገር ቋንቋ ነው ልጄ፣ የሁለንተናሽ መስታወት፤
    ሲከፋሽ ትሽሽጊበት ፣ ሲደላሽ ትኳኳየዪበት

    የኔ ልጅ ፣
    አያት ቅድም አያትሽ ፣ሰላም ሲሆን ከወልቂጤ
    አድማስ ማዶ ሸቅጦ፣ሲያቀና ወረቱን፤
    ለእኔና ለአንቺ መኖሪያ፣ ሲያቀና ቀዬና ቤቱን፤
    ሀገር ጠላት ሲደፍራትም፣ ጦሩን ሰብቆ እየፎከረ፤
    ከኦሮሞው ከትግሬው፣ ከአፋሩ ከወላይታው፣ . . .
    ከሁሉም የጦቢያ ልጆች ፣ አጥንቱን እየማገረ፤
    ሀገር ይሉት መግባቢያ ፣ሰንደቅ ይሉት መለያ ፣
    ሲያቆይልሽ፤
    በጉራግኛ ማትገልጭው፣ በጎጥ የማትገድቢው፣
    ስንት አለ ታሪክ መሰለሽ!

    እና የእኔ ልጅ፣
    ለዚህ ነው ሀገር ይሉት ቋንቋ፣ ላንቺ የሚያስፈልግሽ፤
    ከወልቂጤ አድማስ ማዶ፣ ለተሳሰረ ታሪክሽ፤
    ከወልቂጤ አድማስ ማዶ ፣ ለተወጠነው እድገትሽ
    እና ልብ በይ ልጄ ! ሀገር ማለት ቋንቋ ነው፣
    ባንደበት አይናገሩት፤
    በጆሮ አያዳምጡት

    ከሁሉም በላይ ልጄ ፣
    ተፈጥሮ ከቸረው በረከት ፣ የላቡን ፍሬ የሚበላ፤
    ሀገር ማለት ወገን ነው፣ የእኔ የምትይው ከለላ
    ትመኪበት ጥሪት፣ ትደምቂበት ብርሃንሽ፤
    የሰብዕናሽ ግማሽ ውል ፣ወገን ነው ማሕተምሽ፡፡
    ዜጋው ነው ልጄ ሀገርሽ።
    መሬትማ የእኔ ልጅ፣
    በእምነትሽና እውቀትሽ፣ ከልለሽ ካላበጀሽው፤
    ለእድገትሽ ውጥን ካልሆነ ፣ለተስፋሽ ካልተመገብሽው፤
    መሬትማ ባዳ ነው፣ ላለማው የሚለማ፤
    ለተስማማው የሚስማማ
    ዥረቱም ግድ የለውም ፣ ቦይ ለማሰለት ይፈሳል
    ተራራውም ደንቆሮ ነው ፣ ለቦረቦረው ይበሳል።
    መሬቱ አደለም የኔ ልጅ፣ እድርተኛው ነው ሃገርሽ፤
    ስትቸገሪ ታድጎ፣ ስትታመሚ አስታሞ፣ ስትሞቺ አፈር ሚያለብስሽ።
    በእጅሽ ያለ ብሩህ ጽጌ ፣ ሰው ነው ልጄ ሀገርሽ፤
    ወገን ነው ልጄ ሀገርሽ።

    እና የኔ ልጅ፣
    ሀገር ረቂቅ ነው ቃሉ፤
    ሀገር ውስብስብ ነው ውሉ

     

    Read more »
  • ETHIOPIA : Teddy Afro - "Mar ESKE TUWAF" Lyrics | ማር እስከ ጧፍ ፍቅር እስከ መቃብር

     

    Teddy Afro - "Mar ESKE TUWAF" Lyrics 

    ማር እስከ ጧፍ
    ፍቅር እስከ መቃብር

    የጸበል ዳር እንኮይ ወንዝ ያወዛት ቅጠል 
    ተሸፈና ዋርካ ከልሏት የዛፍ ጠል 
    የት ነበር ያረኩት ቀፎየን ስል ኖሬ 
    ንብ ተከትዬ ባይ ጎጃም ኑራ ማሬ (ጎጃም ኖራለች ለካ)

    ብራናዬ አንቺ የልጅነቴ ጓዴ 
    ተረሳሽ ወይ የሳት ዙሪያው ተረት በአንዴ
    ብራናዬ አንቺ የልጅነቴ ቀለም 
    እኔ እንዳንቺ ያጠናሁት ፊደል የለም

    ፍቅር የበዛበት፩ ዘልቆ ከማንኩሳ 
    መንናለች አሉኝ ብጫ ልብስ ለብሳ 
    ሸዋ ከሩፋኤል ስጠብቃት ኖሬ 
    ንቤ ገዳም ገብታ ጎጃም ኑራ ማሬ

    ሲኖዳ ዮሐንስ ያመት ወዜን ይዤ 
    ጋማ ሽጦ ካሳ፪ ሸኝቶኝ ከወንዜ 
    መጥቼ ከሸዋ ስጠብቃት ኖሬ 
    ለካ ገዳም ገብታ ጎጃም ኑራ ማሬ 
    “ሀ” ብለህ ተው ድገም ሲሉኝ ንስሀ አባቴ 
    “ዋ” ብየ ተማርኩኝ አይ አለመስማቴ 
    ቀለም ወርቄ፫ ቢሆን የቅርቤ ጓደኛ 
    ፍቅር ለያዘው ሰው ከልካይ የለው ዳኛ

    አሁን በማ ትኬ (ተክቼ) ይህ ልቤን ልካሰው 
    አንዴ በሷ ፍቅር የተረታሁኝ ሰው 
    የት እርቄስ ላገኝ ከፍቅሯ መሸሻ፬
    እሷ ሆኖ ለኔ የአለም መጨረሻ

    ማር ጧፍ ሁኔ /እንደ ትሁኔ/ 
    ማር ጧፍ ሁና 
    ማሬ ማሬ 4x
    ጎጃም ኑራ ማሬ 
    ማር ጧፍ ሆኖ ገባ መቅደስ 
    ነዶ ለሊት ጸሎት ሊያደርስ 
    ዲማ ጊዮርጊስ ወይ ማንኩሳ
    ያቺ ወንጌል፭ ብጫ ለብሳ 
    ከንግዲህማ ቆብ አስጥዬ 
    እንዳልወስዳት አባብዬ 
    ሰብልዬ ናት እማሆዬ 
    ሰብልዬ ናት እማሆዬ
    ሰብል አለም በቢጫው ቀለም 
    ሰብል የአዳም ገባሽ ወይ ገዳም 
    ወይ ገዳም ገባሽ ወይ ገዳም
    ኦሆ……

    የጸበል ዳር እንኮይ ወንዝ ያወዛት ቅጠል 
    ተሸፍና ዋርካ ከልሏት የዛፍ ጠል 
    የት ነበር ያረኩት ቀፎየን ስል ኖሬ 
    ንብ ተከትዬ ባይ ጎጃም ኑራ ማሬ

    ብራናዬ አንቺ የልጅነቴ ጓዴ 
    ተረሳሽ ወይ የሳት ዙሪያው ተረት በአንዴ
    ብራናዬ አንቺ የልጅነቴ ቀለም 
    እኔ እንዳንቺ ያጠናሁት ፊደል የለም

    ላሳደገኝ ደብር የሥለት ልጅ ሆኜ 
    ካሕን እንዴት ይፍታኝ ያንቺ እስረኛ ሆኜ 
    በጊዜ ተደፋ የቀለሙ ቀንዴ 
    የኔ ፊደል ማወቅ ካንቺ አዳነኝ እንዴ 
    ሳዋህድ ከኖርኩት ቅኔን ከደብተሬ 
    ተሽሎኝ ተገኘ ባለ አንዲሩ ገብሬ፮
    ለካ ሰው አይድንም በደገመው መጽሐፍ 
    እንደሰም አቅልጦ ፍቅር ካረገው ጧፍ 
    ለካ ሰው አይድንም በኦሪቱ ገድል 
    ወንጌል ይዞ መጥቶ ፍቅር ካረገ ድል

    ማር ሲገባ ገዳም ድንጋይ ተንተርሶ 
    ጧፉም እንደ መናኝ እዩት ቢጫ ለብሶ 
    ወንጌል መነኮሱ በልጅነታቸው 
    ማር እስከጧፍ ሆኖ አለም ቢነዳቸው
    አንቺ የፍቅር ጥጌ ውድነሽ በጣሙን፯
    መምጣቴ ነው በቃ እኔ አቃተኝ አሁን 
    አዲስ አለም፰ ሆነ ባንቺ ስለ ወጋየሁ፱ 
    እድሌ ሆነና ባጣሽ ተሰቃየው

    ማር ጧፍ ሁኔ 
    ማር ጧፍ ሁና 
    ማሬ ማሬ 4x
    ጎጃም ኑራ ማሬ 
    ማር ጧፍ ሆኖ ገባ መቅደስ 
    ነዶ ለሊት ጸሎት ሊያደርስ 
    ዲማ ጊዮርጊስ ወይ ማንኩሳ
    ያቺ ወንጌል ብጫ ለብሳ 
    ከንግዲህማ ቆብ አስጥዬ 
    እንዳልወስዳት አባብዬ 
    ሰብልዬ ናት እማሆዬ 
    ሰብልዬ ናት እማሆዬ
    ሰብል አለም በቢጫው ቀለም 
    ሰብል የአዳም ገባሽ ወይ ገዳም 
    ወይ ገዳም ገባሽ ወይ ገዳም
    ኦሆ…… 
    ዘንግ ይዛ ማር ዘንግ ይዛ

    ---------------------//--------------------

    ግጥም - ቴዎድሮስ ካሳሁን 
    ዜማ - ቴዎድሮስ ካሳሁን 
    ሙዚቃ ቅንብር - አቤል ጳውሎስ /ናደው/

    በዘፈኑ ግጥም ውስጥ የተሰመረባቸው ፱ ነጥቦች ደርቦ ከሚሄደው ትርጉማቸው ጀርባ የሚጠቀሱ የባህሪያት ስሞች መፅሀፉን ላላነበቡ ወገኖች ይረዳ ዘንድ የተሰጠ መጠነኛ ማብራሪያ
    1. የበዛባት፡- በዛብህ የሰብለወንጌል ፍቅረኛን
    2. ካሳ፡- ጉዱ ካሳ የሰብለወንጌል አጎትና የሰብለና የበዛብህ የፍቅር አጋርን
    3. ቀለምወርቄ፡- ግራጌታ ቀለመወርቅ የበዛብህ የቅርብ ወዳጅን
    4. መሸሻ፡- ፊት አውራሪ መሸሻ የሰብለወንጌል አባትን
    5. ወንጌል፡- ሰብለወንጌል የበዛብህ ፍቅረኛን
    6. ባለአንዲሩገብሬ፡- እረኛው ባለዋሽንት ባለአንዲሩገብሬ የካብትሽ ይመር ወዳጅን
    7. ውድነሽ በጣሙን፡- የበዛብህ እናት ውድነሽ በጣሙን
    8. አዲስዓለም ሆነ፡- የፍቅር እስከ መቃብር መፅሀፍ ደራሲ ክቡር ሀዲስ ዓለማየሁን
    9. ወጋየሁ፡- የመፅሀፉን ተራኪ ተዋናይ ወጋየሁ ንጋቱን
    ይገልፃል።

    ይህ ሙዚቃ መታሰቢያነቱ ለፍቅር እስከ መቃብር መፅሀፍ ደራሲ ለክቡር አቶ ሀዲስ አለማየሁ እና ለመጸሐፉ ተራኪ ለተዋናይ ወጋየሁ ንጋቱ ይሁንልኝ፡፡

    Read more »
  • Teddy Afro - "Atse Tewodros II" Song Lyrics | May 7, 2017

    Teddy Afro - "Atse Tewodros II" Song Lyrics  

     

    የሰገደላት ውበቱ ፤ ያቺን የቃል መስታይት 

    ሞቶ ቀደማት ቴዎድሮስ ፤ ቆሞ ስቃዩዋን ላለማየት
    የወደቀላት ውበቱ ፤ ያቺን የቃል መስታይት
    ሞቶ ቀደማት ቴዎድሮስ ፤ ቆሞ ስቃዩዋን ላለማየት

    ደርሶ ባያስጥለው ፤ ገብርዬ ከስለት
    ጀግናው ተፈተነ ፤ በመቅደላ አቀበት
    ተዋከበና ፤ ተዋከበና
    ወዲህ ዞር ፤ ቢል ሰው የለምና
    ገብርዬ ሲወድቅ ፤ ቀኙ ዛለና
    አረሩን ስቦ ፤ ጠጣው ያ ጀግና
    ተዋከበና ፤ ተዋከበና
    ወዲህ ዞር ፤ ቢል ሰው የለምና

    የነደደ እሳት ፤ ክንዱን ተ'ርሶ
    ጨክኖ ካሣ ፤ ጋተና ኮሶ
    ሞተ 'ላንድ አገር ፤ አንድያ ራሱ
    ንቃ በመንፈስ ላንድነት ካሣ ተነሳ 
    አንተ የሞትክላት አገር ክብሯ ሳይረሳ

    ጎንደር ጎንደር የቴዎድሮስ አገር
    ያንዲት ኢትዮጵያ ፤ ዋልታና ማገር
    ነፍሱን የሰጣት ፤ ለካ ዓለም ንቆ
    አገር ሊያቆም ነው ቴዎድሮስ ወድቆ

    አምጡ ቆርጣችሁ ፤ ከሹሩባው ላይ 
    እንዳንለያይ ፤ ኪዳን እንሰር
    ነፍሱን የሰጣት ፤ ለካ ዓለም ንቆ
    አገር ሊያቆም ነው ፤ ቴዎድሮስ ወድቆ

    አረጀች እያሉ ሰዎቹ ሲያሙሽ
    ሙሽራ ነሽ ጎንደር ይሰፋል ልብስሽ
    ሳይገላገለው ህልሙን በሆድ ይዞ 
    ሳይገላገለው ሽሉን በሆድ ይዞ 
    የሚረዳው አጥቶ ብቻውን ተክዞ 
    ተክዞ ተክዞ
    ስንቱን በሆድ ይዞ
    የወገቡን እሳት ካፎቱ ላይ መዝዞ
    ጠጥቶላት ሞተ ክንዱን ተንተርሶ
    አያሳዝንም ወይ

    ካሣ ካሣ የቋራው አንበሣ
    ዳኘን ዳኘን አንድ ህልም አሳየን
    ዝግባ ሚያሳክለን አንድ ፍቅር አጥተን
    ዝግባ ሚያሳክለን አንድነትን አጥተን 
    ከፊት የነበርነው ከሰው ኋላ ቀርተን
    አናሳዝንም ወይ

    ጎንደርና ጎጃም ፤ ወሎና ትግራይ
    ኦሮሞና ተጉለት ሆነን አንድ ላይ
    ጉራጌና ሃረር ዶርዜ ወላይታ
    ቤኒሻንጉል ሶማሌ አፋር አሳይታ
    ግመሌን ላጠጣት እንደ አፋር ተጉዤ
    ግመሌን ላጠጣት ቀይ ባህር ተጉዤ
    አንድ ገመድ አጣሁ ልመልሳት ሄጄ
    'ያንዲት እናት ልጆች መሆናችን አውቀን
    ጎሳና ኃይማኖት ሳይነጣጥለን 
    ምን ይሳነን ነበር ብንተባበር
    አናሳዝንም ወይ

    ጎንደር ጎንደር የቴዎድሮስ አገር
    ያንዲት ኢትዮጵያ ፤ ዋልታና ማገር
    ነፍሱን የሰጣት ፤ ለካ ዓለም ንቆ
    አገር ሊያቆም ነው ፤ ቴዎድሮስ ወድቆ

    ቴዲ አፍሮ - አፄ ቴዎድሮስ ፪ኛ

     

    Read more »
  • Ethiopian Airlines flight diverted from Addis Ababa to St. John’s

    Flight landed at 4 p.m. NT following medical emergency

    By Garrett Barry, CBC News
    January 26,2017

    Ethiopian Airlines, seen here in a file photo, diverted one of its planes to St. John’s on Wednesday. (Tiksa Negeri/Reuters) (CBC)

     

    A medical emergency aboard a flight bound for Ethiopia’s capital city diverted a plane to St. John’s on Wednesday.

    Ethiopian Airlines Flight 501 landed in St. John’s at about 4 p.m NT, according to Erika Kelland, a spokesperson at the St. John’s International Airport.

    Kelland said there was a medical emergency on board, but had no other information about the incident or how long the plane would remain in St. John’s.

    The plane left Washington, D.C. at 11:30 NT and was set for a flight of about 13 hours to Addis Ababa.

    Source : CBC News

    Read more »
  • Breaking News : Teddy Afro has announced that his 5th studio album will be released on Easter!

    Breaking News : Teddy Afro has announced that his 5th studio album will be released on Easter!  

    አዲሱን ኢትዮጵያ የተሰኘውን አልበም ሙሉ በሙሉ ማጠናቀቁ ቴዲ አፍሮ በፌስቡክ ኦፊሴላዊ ገጹ ገልጾዋል። አልበሙ በወርሃ ሚያዚያ ለእናንተ እንደሚለቀቅ አስታውቆል።

    Image may contain: 2 people, people smiling

     

     

     

    Read more »
RSS